Wednesday, March 7, 2007

Ano nga ba ang Multitasking?

MULTITASKING sa Kabataan
Ano nga ba ang Multitasking?
Ang multitasking ay ang abilidad ng isang tao o makina na gumawa ng lampas sa isang gawain o gumawa ng maraming bagay ng sabay sabay.
Mga halimbawa ng multitasking na nagagawa ng mga kabataang Pilipino.
  • Nag-tetext habang nakikipag usap sa ibang tao.
  • Nag-babasa habang nakikinig ng radyo.
  • Nag-aaral habang nanonood ng telebisyon.
  • Nag-susurf sa internet habang nakikinig ng musik.
  • Nakikinig ng musik habang nag aaral.
  • Nag-tetext habang gumagawa ng asignatura.
Ito lang ang ilan sa mga halimbawa ng multitasking na nagagawa ng mga kabataan ngayon.
Sanhi at Bunga ng pag-mumultitasking ng kabataang Pilipino.
*Kapag madaming asignatura na naibibigay sa mga estudyante, kahit gusto nila gawin ang kanilang asignatura, gusto din nila makapag relaks pag uwi ng bahay, kaya’t minsan kahit ginagawa nila ang mga dapat gawin para sa eskwela ay isinasabay nila ito sa pag nood ng telebisyon, o kaya pakikinig sa radio, o kaya pagtetext. Minsan dahil sa dami ng ipinag sasabay sabay na gawain, hindi na nagagawa ng maayos ito at minsan ay hindi natatapos.
Madalas ang pag gawa ng isang bagay ay kailangan ng buong konsentrasyon, ngunit sa multitasking, hindi maibibigay ang buong atensyon mo dahil sa madami kang ginagawa. Halimbawa nalang yung mga ipinag sasabay ang pag aaral sa pag tetext. Habang nag tetext ka, hindi malayo na makalimutan mo yung pinag aaralan mo dahil lang sa maliit na distraksyon na ito.
*May positibo ding epekto ang pag mumultitask. Madami din namang natatapos na gawain dahil sa multitasking. Ang ibang kabataan, mas nakakagawa ng mga kailangan gawin kapag ipinag sasabay nila ito sa mga hilig nila na gawain, tulad ng pag babasa at pakikinig sa musik, o kaya pakikipag usap sa telepono habang nag susurf sa internet.
Case study:
Ang aking kaibigan na si Solleil Pagkanlungan ang aking napili gawing halimbawa ng isang estudyanteng multitasker. Siya ay 20 anyos na at ang kanyang major ay Sikolohiya. Marami siyang
ginagawang asignatura sa araw araw kaya’t naobserbahan ko na itong aking kaibigan pala na ito ay isang multitasker.
Napansin ko na kahit na marami siyang ginagawa, tulad ng pagbabasa o pag-aaral, nagagawa niya pa rin makipagkwentuhan sa amin. Minsan kahit nag reresearch siya sa internet, nakakapag text pa rin siya, o kaya’y nakikipag chat. Nagagawa niyang ipag sabay sabay ang iba’t ibang gawain, ngunit minsan lang niya natatapos nang maayos ang lahat ng kailangan niya gawin. Halimbawa nalang kapag gumagawa siya ng proyekto, Minsan hindi niya ito natatapos agad kasi kung ano ano pang ibang gawain ang isinasabay niya tulad ng pag tetext, o kaya pakikipag usap sa telepono, ngunit madalas din naman ay marami siyang natatapos agad dahil sa pagiging multitasker niya. Kapag may mga proyekto at asignatura siya na kinabukasan na agad kailangan, ipinag sasabay niya gawin ang mga ito at nagagawa niya rin namang tapusin sa araw na yun kahit na marami ito. Minsan naabutan ko siyang nag aaral pero may kausap din sa cellphone, napaisip tuloy ako kung may pumapasok naman kaya sa isip niya na konektado duon sa pinag aaralan niya.
Base sa obserbasyon ko sa kanya, sa tingin ko ang pagiging multitasker ay magiging isang positibo lamang na karakteristiko kung yung tao mismo ay marunong magbigay ng konsentrasyon sa kanyang mga ginagawa, kahit gaano pa karami ito. Ang pagiging multitasker ay mahirap kung madaling ma istorbo yung konsentrasyon ng taong yun, sapagka’t hindi niya matatapos ang kanyang mga ginagawa kung hihinto siya kapag may ibang nakaka agaw ng atensyon niya.

Impluwensya ng Telebisyon, Cellphone at kompyuter sa mga kabataan

Impluwensya ng Telebisyon, Cellphone at kompyuter sa mga kabataan

Ang impluwensya ng telebsyon sa mga kabataan ay may negatibo at positibo na epekto. Sa telebisyon sinasabi ng mga eksperto na kapag ang mga kabataan ay nanonood ng masyadong mga bayolente na palabas sila ay may tendency na maging bayolente sa kanilang pamimuhay. Maaring sila ay maging mahilig makipag away o’ makipagsuntutkan. Mga kantang may mga sexual na lyrico na kanilang napapanood at nakikita sa MTV ay masama rin dahil sila ay maaring mamulat kaagad sa sex at sinasabi na ang mga kabataan na nakakpanood ng ganito ay nakikipagtalik na kaagad dahil ito ay kanilang nakikita at naririnig sa mga lyrico ng kanta. Madali rin makaimpluwensya ang mga commercial sa T.V lalo na ang mga commercial na may mga mapapayat at sexy na modelo. Ang mga kabataan na nakaknood nito ay nahuhumaling sa magandang katawan ng mga modelong ito at sila ay paminsan nagiging anorexic dahil kapag nakikita nila ang mga ganito kapayat na katawan gusto nila maging ganito rin katulad nila. Para sakanila kapag ganito sila kapayat ibig sabihin sila ay maganda kaya ang mga kabataan ay nagpapayat ng ganito ngunit sa tingin nila kapag mas payat pa sila dito sila ay mas gaganda pa kaysa sa mga modelo sa telebisyon.

Mayroon din naman itong positibong epekto kagaya ng mga isang “ad” ni Joyner Kersee na nanalo ng gold medal sa track and field. Siya ay modelo ng isang magasin hindi mamahalin ang kanyang suot at para lang siyang normal na tao. Ipinapakita nito na ang mga kabataan ay dapat mahumaling nalang sa mga isports at wag na sa ibang bagay tulad ng drugs at pagiinom. Ang pangalawa na malakas makaimpluwensya sa mga kabataan ay ang kompyuter sinasabi na kapag an gang bata ay masyadong gumagamit ng kompyuter siya ay bumabagal sa kanyang mga gawain sa eskwelahan. May nagsasabi na kapag ang bata ay masyadong nasa harap ng kompyuter palagi nagiging bobo ito sa academic niya na pagaaral katulad ng math at reading.

Ang kompyuter sa bahay ay may negatibong epekto dahil kadalasan hindi na makausap ng magulang ng maayaos ang kanyang anak dahil ito ay naglalaro o’ may ka chat maari rin magamit ang internet sa pornography at iba pang mga bagay na hindi karapat dapat sa kabataan. Mas pinipili ng mga kabataan ang maglaro sa kompyuter imbes na magamit ito sa pagaaral. Ngunit may mga positibo rin itong epekto kapagito ay gagamitin sa maayos na paraan katulad ng pwede mapadali ang isang research na papel dahil sa internet access nito. Hindi na mahirap maghanap ng kailangan dahil isang type lang lalabas na lahat ng website kung saan ito mahahanap. Ang panghuli na mabilis makaimpluwensya ay ang cellphone halos lahat ng kabataan ngayon ay may cellphone paminsan hindi lang iisa mayroon dalawa pa o’ higit pa. ang cellphone ngayon ay ang isa sa pinakamagaling na naimbento para mapadali angbuhay ng mga tao ngunit ang mga kabataan ay nakakhanap ng paraan para ito ay magamit sa masamang paraan.

Ang text messaging ang pinaka-popular na ginagamit para makipagusap dahil kahit ilan maaari mong makausap gamit ito ng isang araw. Mayroon insidente na ang estudyante at ang kanyang guro ay nagkaroon ng relasyon sa pamagitan ng text. Sila ay nakapagusap pagkatapos ng klase gamit ito ng walang nakakaalam. Maari rin gamitin ang text sa pangongopya sa mga pagsusulit sa eskwela dahil kung ikaw ay mabilis magtext at kahit hindi ka na tumingin ay mahirap ka talaga mahuli ng guro. Sinasabi na kapag ikaw ay may walang cellphone hindi ka “in” ikaw ay mamaliitin ng mga tinedyer na mayroon. Nakakaroon ng tendency ang kabataan na maramdaman na sila ay outcast o’ hindi “cool”.

May mga positibo rin na epekto ang cellphone dahil may Sydney na sinabi na ang cellphone ay nagging magandang kalaban ng mga sigarilyo dahi nabawasan na ang mga kabataan na naninigarilyo. Mas pinipili nila maglaro sa kanilang cellphone at bumili ng mga gamit na magpapaganda sa kanailang mga telepono tulad ng mag accessories at kung anu-ano pa.

Multi-task Survey para sa mga Kabataan

Multi-task Survey para sa mga Kabataan
Magandang Umaga po! Ito po ay isang serbey sa Filipino para sa mga Kabataan na kung saan ay nahihilig sa mga gawain na multi-tasking. Ang Multi-tasking ay isang gawain na kung saan ay nagagawa ang magkaibang bagay ng sabay-sabay. Ang serbey na ito ay gagamitin namin upang malaman kung gaano na karami ang mga Kabataan ang nagiging multi-tasking. Paki lagyan lamang po ng check ang bawat sagot na mapipili.
  1. Sa anong paraan ka na impluwensiyahan ng pagiging multi-task?
___ sa mga kaibigan
___ sa mga magulang
___ sa mga guro
___ sa mga kamag-aral
___ natutunan lamang sa sarili
  1. Saan ka masmadaling nakakapag-aral? Kapag ba…
___ may radio
___nagtetext
___may ipod
___nagcocomputer (chat, friendster, and etc.)
___nanonoood ng t.v.
  1. Ano ang hilig mong gawin ng sabay?
___ nagtetext habang may radio
___nagtetext habang nagcocomputer
___nagtetext habang nanonood ng t.v.
___nanonood ng t.v habang nakikinig ng radio
___nanonood ng t.v habang nagcocomputer
  1. Maliban ba sa pag-aaral mo ay nakamulti-task ka rin ba sa ibang gawain?
___oo
___hindi
  1. Mas nag-eenjoy ka ba kapag multi-task ang gawain mo?
__oo
__hindi
  1. Nakakatulugan mo ba ang multi-task na gawain?
___oo
___hindi
  1. Ilang beses ka nagmumulti-task?
___palagi
___madalas
___paminsan-minsan
Resulta sa Serbey ng Multi-tasking:
Talli Porsiyento
1. Sa anong paraan ka na impluwensiyahan ng pagiging multi-task?
sa mga kaibigan IIIII-IIIII 28%
sa mga magulang IIIII-IIII 25%
sa mga guro 0%
sa mga kamag-aral IIII 11%
natutunan lamang sa sarili IIIII-IIIII-IIIII-III 51%
2. Saan ka masmadaling nakakapag-aral? Kapag ba…
may radio IIIII-IIIII-I 31%
nagtetext IIIII-IIIII-IIII 40%
may ipod IIIII-IIIII 28%
nagcocomputer (chat, friendster, and etc.) IIIII-I 17%
nanonoood ng t.v. IIIII-II 20%
3. Ano ang hilig mong gawin ng sabay?
nagtetext habang may radio IIIII-IIIII-III 37%
nagtetext habang nagcocomputer IIIII-IIIII 28%
nagtetext habang nanonood ng t.v. IIIII-IIIII-IIIII-I 45%
nanonood ng t.v habang nakikinig ng radio II 5
nanonood ng t.v habang nagcocomputer IIIII-IIII 25%
4. Maliban ba sa pag-aaral mo ay nakamulti-task ka rin ba sa ibang gawain?
oo IIIII-IIIII-IIIII-IIIII-IIIII-IIIII-III 94%
hindi III 8%
5. Mas nag-eenjoy ka ba kapag multi-task ang gawain mo?
oo IIIII-IIIII-IIIII-IIIII-IIIII-IIII 82%
hindi IIIII-II 20%
6. Nakakatulugan mo ba ang multi-task na gawain?
oo IIIII-IIIII-IIIII-IIIII-IIIII-I 74%
hindi IIIII-IIIII-I 31%
7. Ilang beses ka nagmumulti-task?
palagi IIIII-IIIII 28%
madalas IIIII-IIIII-IIIII 42%
paminsan-minsan IIIII-IIIII 28%
Serbey sa Multi-tasking
Ang Multi-tasking ay isang gawain na kung saan ay kayang gawin ang magkaibang bagay ng sabay-sabay. Ito ay isang gawain na kung saan ay kinahihiligan na mga kabataan sa panahong ito. Ang Serbey na Multi-tasking ay makakatulong upang malaman at mapatunayan kung gaano sa kasalukuyang panahon na ito karami ang mga kabataan na nagmumulti-tasking na. Isang paraan din sa serbey na ito ay upang malaman kung ano na rin bang kayang gawin ng mga kabataan ngayon. Sa pamamagitan ng pag-aaral sa serbey na ito ay malalaman din kung talaga bang sumusunod din ang pagbabago ng mga kabataan ayon sa pagbabago ng panahon o mga dumadaan na taon. Malaking tulong ang magagawa ng serbey na ito na matukoy kung gaano na ba kaiba sa panahon na ito ang mga kabataan kaysa sa panahong o taon na nagdaan.
Ang serbey na ito ay pinasagutan sa mga mag-aaral na nasa Unang Antas sa Kolehiyo ng Assumptionista, isa na rito ay ang mga Media Production, Psychology, at marami pang iba. Napili ng mga mananaliksik ang mga Unang Antas sa Kolehiyo ng Assumptionista ay dahil sa mas aktib o mas masagana sila sa mga gawaing ito. Nakapokus lamang ang mga mananaliksik sa sakop o sa edad ng mga nasa Unang Antas sa Kolehiyo ng Assumptionista. Ang serbey na ito ay naglalaman ng mga katanungan na nauukol sa multi-tasking na gawain na kung saan ay ilan sa mga kabataan ay makakareleyt sa mga gawain na nararanasan nila sa kasalukuyang panahong ito.
Ayon sa mga mananalisik ito ang lumabas na resulta sa kanilang sinagawang serbey at nakatala ditto ang mga sagot ng mga kabataan na nakakuha ng mataas na pordiyento tungkol sa Multi-tasking.
` Talli Porsiyento
1. Sa anong paraan ka na impluwensiyahan ng pagiging multi-task?
natutunan lamang sa sarili IIIII-IIIII-IIIII-III 51%
2. Saan ka masmadaling nakakapag-aral? Kapag ba…
nagtetext IIIII-IIIII-IIII 40%
3. Ano ang hilig mong gawin ng sabay?
nagtetext habang nanonood ng t.v. IIIII-IIIII-IIIII-I 45%
4. Maliban ba sa pag-aaral mo ay nakamulti-task ka rin ba sa ibang gawain?
oo IIIII-IIIII-IIIII-IIIII-IIIII-IIIII-III 94%
5. Mas nag-eenjoy ka ba kapag multi-task ang gawain mo?
oo IIIII-IIIII-IIIII-IIIII-IIIII-IIII 82%
6. Nakakatulugan mo ba ang multi-task na gawain?
oo IIIII-IIIII-IIIII-IIIII-IIIII-I 74%
7. Ilang beses ka nagmumulti-task?
madalas IIIII-IIIII-IIIII 42%
Para sa unang katanungan ang nakakuha ng pinakamataas na porsiyento ay ang pagkatuto ng mga kabataan ng Multi-tasking mula sa kanilang sarili. Lumabas sa serbey na ito na maraming kabataan na ang gumagawa ng mga multi-tasking sa kani-kanilang pang-araw-araw na buhay. Mahigit sa mga kabataan ay natutunan nila ang pagiging multi-tasking sa kanilang sarili lamang na kung saan ay masasabing kasunod na ng panahon ang pagbabago ng mga kabataan depende sa mga bagay na nakapaligid sa kanila. Sa ikalawa, ang mataas na porsiyento ay ang pagtetext habang nag-aaral. Sa katanuyan makikita sa resultang ito na kaya na ng mga kabataan na gumawa ng ibang gawain at ibigay ang kanilang atensyon sa parehong bagay na kanilang ginagawa. Sa ikatlo, ang porsiyentong nakuha nang nagtetext habang nanonood ng telebisyon ay mataas kaysa sa ibang gawain. Sa katunayan ito ay halos kaparehas lamang sa ikalawang katanungan kaya lang ang pinagka-iba ay ang gawain. Sa pang-apat, ang sagot na oo ang nakuha ng mataas ng porsiyento. Kung titignan at susuriin ito masasabi na di lang pala sa pag-aaral nagmumulti-tasking ang mga kabataan pati na rin sa ibang gawin. At dahil dito ang mga kabataan sa ngayon ay makabago na talaga. Sa ikalimang tanong ng serbey ang oo ulit ang may mataas na porsiyento na kung saan ay marami sa kabataan ang nag-eenjoy kapag sila ay nakamulti-tasking sa kanilang gawain. Sa ikaanim na tanong oo pa rin ang may mataas na porsiyento, ayon sa mga ilang kabataan na masayang gumagawa ng Multi-tasking, masasabi pa rin na nakakatulog sila kahit papaano at alam pa rin nila kung kailan ititigil ang gawaing Multi-tasking. Ang pinakahuling lumabas sa resulatang ito ay ang tanong sa pangpito, na kung saan ay tinanong ang mga kabataan kung sila ba ay palagi, madalas, o paminsan-minsan lang sila nagmumulti-task at mahigit sa mga kabataan ang sinagot ay madalas na kung saan ay kahit na nag-eenjoy sila sa gawaing multi-tasking ay may mga oras din na humihinto at tinutuon ang ibang atensyon na hindi masyadong na nakamulti-tasking.
Analysis
Ayon sa pag-aaral ng mga mananaliksik, natuklasan nila ang pagiging Multi-tasking ng mga kabataan ay galing sa panahon na kanilang nararanasan. Lumabas din sa pag-aaral na ito na ang pababago ng mga panahon ay nakakapagdulot sa mga tao ng malaking epekto. Nasabi ito ng mga mananaliksik ay dahil sa mga panahon na nagdaan ay kasabay din nito ang mga mamayan at lalong-lalo na ang mga kabataan na nagbabago. Sa patuloy na rin ng pagdagsa ng mga makabagong kagamitan kaya ang mga kabataan ay nakakagawa ng mga ibang bagay na gawain at isa na nga rito ay ang Multi-tasking.
Konklusyon
Kapansin-pansin na ang serbey na isinagawa ng mga mananaliksik ay nakagpagbigay liwanag at kaalaman kung bakit ang mga kabataan sa panahong ito ay kakaiba na kung ikukumapara sa dating panahon. Sa panahong ito marami na talagang kayang gawin ang mga kabataan. Hindi tuloy akalain ng mga mananaliksik na ang ganitong klasing gawain ay kahihiligan ng mga kabataan lalo na sa edad nila na masgusto ang gawing sabay-sabay at maibigay ang kanilang atensyon sa magkaibang bagay na gawin.



Ang Kaibahan Ng Generation M (Generation Media) Sa Ibang Henerasyon o May Kaibahan Nga Ba?

Ang Kaibahan Ng Generation M (Generation Media) Sa Ibang Henerasyon o May Kaibahan Nga Ba?

“Generation M” o “Generation Media” ay ang katawagan sa kasalukuyang panahong ito kung saan madalas ang paggamit ng kabataan ng media o mga makabagong paraan ng pag-sakop ng impormasyon. Ayon sa Kaiser Family Foundation sa Amerika, base sa resulta ng kanilang masinsinang pag-aaral tunkol sa pag-uugali ng mga kabataan ngayon, ang batang nasa 8 hanggang 11 taong gulang ay masyado ng maraming alam at madalas na rin sa paggamit ng nasabing media. “Ang media ang sentro ng buhay ng mga kabataan ngayon,” sabi sa kanilang resirts. Hindi sila nabahala sa naging resulta ng kanilang pag-aaral, ngunit para malaman na nagsimula pa ang ganitong kaugalian ng mga kabataan mula 1999 ay ang kinabahala nila.

Masasabi nga ba na dito rin sa Pilipinas ay sagana ito? Ayon sa pag-aaral ni Gerry Lanuza ng UP, Diliman, 2003, ngayon raw ang pagusbong ng tinatawag na “cybersociety” o ang pagkahilig ng kabataan sa mga komputers o biswal na pamamaraan ng pagsasaya (paglalaro ng mga computer games, chat, text messages). Masyado ng nagiging depende ang kabataan sa nadudulot na kasiyahan ng mga biswal na teknolohiya ngayon.

Malaking pagbabago ang naidulot ng naturang panahon na ito hindi lang sa buhay ng kabataan, kundi sa kultura na rin ng bansa. Hindi lamang itong Generation M nagsimula ang ganitong sistema ng buhay, ngunit mula pa noong maagang 90’s.

“MTV Generation” o ang pagkahilig ng kabataan sa musika at bidyo ay nagsimula noong late 1980’s hanggang 1990’s. Sinundan naman kaagad nito ng “Generation Y” o ang “World Wide Web Generation” kung saan ito ang panahon ng mga Komputers o Internet. Nagsimula ang henerasyon na ito noong late 1991 hanggang 2001. Sinasabi na sa mga panahong ito, masyadong nadala ang atensyon ng kabataan sa paggamit ng komputers, at sa pag bisita sa iba’t –ibang sites sa internet. Sumunod naman ang iGeneration o ang “MySpace Generation”. Dito naman sa panahong ito makikita ang pagkahilig ng kabataan sa komunikasyong internet. Maraming services ang naibibigay ng internet sa henerasyon na ito tulad ng pagsasaliksik sa mga search engines, image boards at You Tube. Taong 2000 at hanggang ngayon pa ay kinokonsidera ito.

Nasaksihan sa pag-aaral ni Gerry Lanuza (UP, Diliman) na halos wala masyadong pagkakaiba ang mga nakalipas na henerasyon sa Generation M na sinasabing henerasyon ng kabataan ngayon. Kanyang nalaman na ang tanging pagkakaiba lang nila ay mas naging maunlad ang teknolohiya nagayon at mas nagagawa ng kabataan ng sabay ang maraming bagay ( halimbawa nalang ang pakikinig ng ipod habang nagkokomputer o nag-cha-chat).

Nagkaroon ang Assumption students ng isang pag-aaral tungkol sa mga kabataang nasa Generation M at doon sa mga nabubuhay pa rin sa mga nakaraang henerasyon. (Generation X, Y, Z)

Ang naging resulta:

Anika Valdez - 15 taong gulang, Las pinas

  • Nag-aaral sa private school
  • May kaya ang pamilya
  • May sariling computer at cellphone
  • May ipod at laptap

Edson Lim -17 taong gulang, Las pinas

  • Nag-aaral sa private school
  • May kaya ang pamilya
  • May sariling computer at cellphone
  • Walang laptap

-Mahilig mag computer: 3-4 oras isang araw

  • Friendster account
  • Multiply account/blog account
  • Yahoo messenger

May computer pero hindo masyado mahilig mag-chat at walang friendster o yahoo messenger account

-mahilig mag cellphone/text

-mas mahilig manood ng MTV

- mahilig mag down load ng mg akanta sa internet

-mahilig mag computer games (online games)

-hindi adik texter

Mga kayang gawin:

-nakikinig ng ipod habang nagtetext at nag cha-chat.

Nagtetext habang naka-ipod

Ayon sa pag-aaral na ito, nakita na si Anika ay nabubuhay na sa Generation M kung saan ang hilig niya ay ang paggamit ng iba’t-ibang matataas na uri ng media ng sabay-sabay. Napansin na sa buong maghapon ay nakaka konsumo siya ng malaking oras sa pagg-iinternet lang o sa kung ano pang gawaing pang-media. Samantalang si Edson ay mukhang hindi pa rin nakaka-alis sa ibang henerasyon (MTV generation) dahil hilig pa rin niya ang panonood ng MTV at ang hindi masyadong pagkahilig sa pagtetext o pag cha-chat. Nakita rin na hindi hadlang ang kalagayan mo sa buhay sa pagsunod sa agos ng panahon, nasa tao pa rin ang desisyon kung gugustuhin mo bang sumunod o hindi.

Ibiig sabihin lang nito na posibleng may mga kabataan pa rin ngayon na nakahihiligan ang mga nakaraan ng usong gawain. Masasabi natin na maliit lamang ang sakop na bilang nila sa ating lipunan ngunit, hindi pa rin talaga lahat ay napapasunod ng teknolohiya dahil na rin sa ibang kabataang hindi kaya ang makabili ng mga maka-mediang kagamitan.